MBONO IZILI MU JWI LYA LEZA | BAGALATIYA 4-6
“Zintu Izyakacitika Izijisi ‘Ncoziiminina’ Kulindiswe”
Mwaapostolo Paulo wakabelesya zintu eezyi izyakacitika izijisi “ncoziiminina” kutondezya mbocisumpukide cizuminano cipya kwiinda cizuminano ca Mulawo. Mubulelo bwa Kristo bwaluyando antoomwe abasikukonanyina, bantu boonse bayakwaangununwa kucibi, kukutalondoka, kubuumba alimwi akulufwu.—Is. 25:8, 9.
HAGARE—MUBELESI MUSIMBI Israyeli wini mucizuminano ca Mulawo, a Jerusalemu kali munzi wanguwo mupati |
“BANA” BA HAGARE Ba Juda (ibakasyomezya kutobela Mulawo wa Musa) bakamupenzya alimwi akumukaka Jesu |
BUZIKE KUMULAWO WACIZUMINANO Mulawo wakali kuyeezya bana Israyeli bakumubili kuti bakali bazike bacibi |
SARA—MUKAINTU WAANGULUKIDE Jerusalemu wakujulu, cibeela cakujulu cambunga ya Leza |
“BANA” BA SARA Kristo alimwi aba 144,000 Banakristo bananikidwe |
CIZUMINANO CIPYA CIPA LWAANGULUKO Akaambo kakuti bana Israyeli tiibakautobela Mulawo cakumaninina, bakatondezya kuti bakali basizibi. Pele cinunuzyo ca Kristo cakapa kuti cikonzyeke kwaangununwa kucibi |