MBONO IZILI MU JWI LYA LEZA | BAKOLOSE 1-4
Amubusamunune Buntu Bwanu Bwakaindi, Akulisamika Bupya
Sena kuli kucinca kupati nkomwakacita mubukkale bwanu ciindi nomwakaiya kasimpe? Ikuti naa mboobo, amuzyibe kuti Jehova wakakkomana kapati akaambo kakucita boobo. (Ezk. 33:11) Nokuba boobo, mweelede kuzumanana kubeleka canguzu kutegwa muzumanane kutondezya buntu bupya, ikutali kututondezya alimwi tumpenda twabuntu bwakaindi. Amwiingule mibuzyo iitobela kutegwa mubone mbazu momweelede kubelekela:
Sena kuli muntu ngondakabikkilila akaambo kakundilubizyila?
Sena ndilakkazika moyo noliba leelyo nondibindide naa nondikatede?
Ikuti naa ndaba amuzeezo uutali kabotu kujatikizya kutalilemeka, sena ndilafwambaana kuugwisya?
Sena ndilaalusalululo kujatikizya bantu bamisyobo iimbi naa aabo ibazwa kumasi aambi?
Sena caino-ino kuli ngondakaambila majwi aatali kabotu naa kumunyemena?