Jehova Ulabayanda Bantu Balondo

“Amusambe kumaanza. Amusalazye luumu yanu. Amupyaange abusena bwanu. Amusowe tombe.” Bunji bwabazyali balabayiisya bana babo kujatikizya mbobakonzya kusalala kumubili. Nokuba boobo, njiisyo izijatikizya kusalala zizwa kuli Leza wesu uusalala. (Kul. 30:18-20; Dt. 23:14; 2Kor. 7:1) Ikuti mibili yesu alimwi azintu nzyotubelesya kazisalala lyoonse, inga tulemeka Jehova. (1Pet. 1:14-16) Ino mbuti kujatikizya maanda eesu alimwi alubuwa? Mukwiimpana abantu basowa tombe mumigwagwa alimwi amumapaaki, Banakristo balasolekesya canguzu kubamba nyika kuti kaisalala. (Int. 115:16; Ciy. 11:18) Notuba tuntu tusyoonto-syoonto, mbuli kusowa tupepa twamaswiiti, tubbodela itwamana kunywidwa dilinki naa mabbabbugamu ngotwamana kulya, zilakonzya kutondezya mbotwaabona makani aakusalala. Aboobo mubukkale boonse bwamubuumi, tweelede ‘kutondezya kuti tuli babelesi ba Leza.’—2Kor. 6:3, 4.

AMWEEBELELE KAVIDIYO KAKUTI LEZA ULABAYANDA BANTU BALONDO, MPOONYA MWIINGULE MIBUZYO IITOBELA:

• Ino ntwaambo nzi twakulitamizya bamwi ntobakonzya kwaamba akaambo kakwaalilwa kusalazya zintu zyabo?

• Ino Mulawo wa Musa wakatondezya buti kujatikizya Jehova mbwaabona makani aakusalala?

• Mbuti mbotukonzya kupa bumboni kujatikizya Jehova kakunyina kwaambaula?