MBONO IZILI MU JWI LYA LEZA | KULONGA 10-11

Musa Alimwi a Aroni Bakatondezya Busicamba Kapati

10:3-6, 24-26, 28; 11:4-8

Musa a Aroni bakatondezya busicamba kapati ciindi nobakali kubandika a Farao, muntu iwakali kulemekwa kapati munyika kuciindi eeco. Ino ncinzi cakabagwasya kucita boobo? Kujatikizya Musa, Bbaibbele lyaamba kuti: “Akaambo kalusyomo wakazwa mu Egepita, ikutali kuti wakali kuyoowa bukali bwamwami, nkaambo wakazumanana kuzyandamana mbuli kuti wakalimubwene ooyo uutalibonyi.” (Heb. 11:27) Musa a Aroni bakajisi lusyomo luyumu muli Jehova alimwi bakamusyoma cakumaninina.

Ino mbukkale nzi ibuyandika busicamba kutegwa mwaambe nzyomusyoma kumuntu umwi uuli mubweendelezi?

Zifwanikiso: Bukkale motukonzya kutondezya busicamba. 1. Mwana musankwa kucikolo uliimvwi ciindi beenzinyina nobasalyuta ndembela. 2. Mukwesu uli kumbele lyabasinkuta. 3. Mukwesu mukubusi waabila katulakiti kumuntu ngwaajana mumulimo wamumuunda ciindi kapokola nalangilila aalaale.