Jehova Ulabakwabilila Bantu Bakwe

Pobwe Lyakwiindilila lyakusaanguna lyakali kuyandika kapati. Mubusiku oobo, Farao naakazyiba kuti mwanaakwe mutaanzi wajaigwa, wakaambila Musa kuti: “Amunyamuke, muzwe akati kabantu bangu, nywebo abana Israyeli boonse. Kamuya mukabelekele Jehova mbubonya mbomwaamba.” (Kul. 12:31) Jehova wakatondezya kuti lyoonse ulabakwabilila bantu bakwe.

Notulanga makani aakaindi aajatikizya bantu ba Jehova bamazuba aano, tulajana bumboni busalede ibutondezya kuti Jehova wazumanana kubasololela alimwi akubakwabilila. Eeci cilalibonya mu miziyamu yakumaofesi mapati mucibeela cijisi mutwe wakuti “Bantu Baitwa Azina lya Jehova.”

AMWEEBELELE KAVIDIYO KAKUTI MUSEUM YAKU WARWICK: “BANTU BAITWA AZINA LYA JEHOVA,” MPOONYA MWIINGULE MIBUZYO IITOBELA:

• 

  Ino ncibelesyo nzi Basikwiiya Bbaibbele ncobakatalika kubelesya kuzwa mu 1914 kutegwa cigwasye kuyumya lusyomo mu Bbaibbele, alimwi ino cakagwasya buti?

• 

  Ino masunko nzi aakacitika mu 1916 amu 1918, alimwi ino mbumboni nzi ibwakatondezya kuti Jehova nguwakali kusololela mbunga?

• 

  Mbuti bantu ba Jehova mbobakazumanana kusyomeka nokuba kuti bakali kukazyigwa?

• 

  Ino nkumvwisya nzi kupya nkobakatambula bantu ba Jehova mu 1935, alimwi ino kwakabajatikizya buti?

• Ciindi nomwali kweebelela kavidiyo kakuti Museum Yaku Warwick: “Bantu Baitwa Azina lya Jehova.” ncinzi ncomwabona icayumya lusyomo lwanu lwakuti Jehova ulabasololela alimwi akubakwabilila bantu bakwe?