Amwiime Nji Mamanino Mbwaayabuswena

IKAAMBO NCOCIYANDIKA: Lino-lino, kuyoocitika zintu zigambya zyalo motuyooyandika kutondezya busicamba alimwi alusyomo ndotujisi muli Jehova kwiinda lyoonse. Mapenzi mapati ayootalika ciindi bwaakunyonyoonwa bukombi bwakubeja. (Mt. 24:21; Ciy. 17:16, 17) Muciindi eeci cikatazya ncobeni, kulalangilwa kuti tuyakwaambilizya mulumbe walubeta mukali. (Ciy. 16:21) Tuyoolwanwa a Gogo waku Magogo. (Ezk. 38:10-12, 14-16) Kutegwa akwabilile bantu bakwe, Jehova uyooleta “nkondo yabuzuba bupati bwa Leza Singuzuzyoonse.” (Ciy. 16:14, 16) Tweelede kuzumanana kusyomeka ciindi lusyomo lwesu nolusunkwa mazuba aano, kutegwa tukacikonzye kuba basicamba kuzintu eezyi ziboola kumbele.

MBOTUKONZYA KUCITA OOBO:

• Cabusicamba, atuziiminine zyeelelo zya Jehova zyakulilemeka zisumpukide alimwi akupona kweelana anzizyo.—Is. 5:20

• Atuzumanane kukomba a Banakristoma.—Heb. 10:24, 25

• Atube bantu bafwambaana kutobela busolozi buzwa kumbunga ya Jehova.—Heb. 13:17

• Atuzinzibale kuyeeya Jehova mbwaakabafwutula bantu bakwe kaindi.—2Pet. 2:9

• Atupaile kuli Jehova, alimwi akumusyoma.—Int. 112:7, 8

AMWEEBELELE KAVIDIYO KAKUTI ZINTU ZIYOOCITIKA KUMBELE IZIYANDIKA BUSICAMBA​—KABEELA BUYO, MPOONYA MWIINGULE MIBUZYO IITOBELA:

• 

  Ino ndisunko nzi ndyobakajana basikumwaya ciindi mumbungano yabo noyakaswaanganizyigwa ambungano zimbi?

• 

  Ino busicamba alimwi akumvwida ziswaangene buti?

• 

  Nkaambo nzi ncotuyooyandika kuba basicamba ciindi ca Amagedoni?

• 

  Ino ncibalo nzi camu Bbaibbele cikonzya kuyumya lusyomo lwesu lwakuti Jehova ulakonzya kutufwutula?—2Mak. 20:1-24