Nobakubusi​—Sena Jehova Mulongwe Wanu Wini-wini?

Ino mbube nzi mbomuyanda kuti mulongwe wanu kajisi? Ambweni muyanda bube mbuli kusyomeka, luzyalo alimwi abwaabi. Jehova ulibujisi bube boonse oobu. (Kul. 34:6; Mil. 14:17) Ulamuswiilila ciindi nomupaila kulinguwe. Ulamugwasya kufwumbwa ciindi nomuyandika lugwasyo. (Int. 18:19, 35) Ulamulekelela zibi zyanu. (1Joh. 1:9) Eelo kaka Jehova Mulongwe mubotu kapati!

Mbuti mbomukonzya kuba mulongwe wa Jehova? Amwiiye kujatikizya nguwe kwiinda mukubala Jwi lyakwe. Kamumwaambila zyoonse zili moyo wanu. (Int. 62:8; 142:2) Amutondezye kuti mulazibikkila maano zintu iziyandika kapati kuli Jehova, mbuli Mwanaakwe, Bwami bwakwe alimwi azisyomezyo zyakwe zyakumbele. Amubaambile bamwi kujatikizya nguwe. (Dt. 32:3) Ikuti naa mwaba acilongwe ciyumu a Jehova, unooli mulongwe wanu lyoonse mane kukabe kutamani.—Int. 73:25, 26, 28.

AMWEEBELELE KAVIDIYO KAKUTI NOBAKUBUSI​—“AMULABILE MUBONE KUTI JEHOVA MUBOTU,” MPOONYA MWIINGULE MIBUZYO IITOBELA:

• 

  Mbuti mbomukonzya kulibambila kulyaaba alimwi akubbapatizyigwa?

• 

  Ino bamwi mumbungano inga bamugwasya buti kubelekela Jehova?

• 

  Ino mulimo wakukambauka uyumya buti cilongwe canu a Jehova?

• 

  Ino milimo nzi njomukonzya kucita mumulimo wa Jehova?

• Ino ncinzi ncomukkomanina kapati kujatikizya Jehova?