Ino mweendela aali munzila iitola kulubbapatizyo?
KUPONA BUUMI BWA BUNAKRISTO
Amusale Kubelekela Jehova
Ikuti muli mukubusi Munakristo naa sikwiiya Bbaibbele, sena mulijisi makanze aakubbapatizyigwa? Nkaambo nzi ncomweelede kuba amakanze aaya? Kulyaaba akubbapatizyigwa kutupa kuba acilongwe cilibedelede a Jehova. (Int. 91:1) Kunze lyaboobo, kusololela kulufwutuko. (1Pet. 3:21) Pele ino mbuti mbomukonzya kusika antaamu eezyi?
Amusinizye nobeni kuti aaka nkasimpe. Ciindi nomwaba amibuzyo amuvwuntauzye. (Rom. 12:2) Amubone mbazu momuyandika kucinca, kamujisi makanze aakukkomanisya Jehova. (Tus. 27:11; Ef. 4:23, 24) Lyoonse kamupaila kulinguwe kulomba lugwasyo. Amuzyibe kuti Jehova uyoomuyumya akumugwasya amuuya wakwe uusalala ulaanguzu. (1Pet. 5:10, 11) Kubeleka kwanu canguzu takukabi kwabuyo pe. Alimwi buya, kubelekela Jehova nenzila yiinda kubota!—Int. 16:11.
AMWEEBELELE KAVIDIYO KAKUTI NZILA YAKULUBBAPATIZYO, MPOONYA MWIINGULE MIBUZYO IITOBELA:
Ino nzisinkilizyo nzi bamwi nzyobakazunda kutegwa babbapatizyigwe?
Ino inga mwaba buti alusyomo luyandika ikutegwa mulyaabe kuli Jehova?
Ino ncinzi cakabakulwaizya bamwi kubweza ntaamu ziyandika kutegwa babbapatizyigwe?
Ino Jehova ubalongezya buti aabo ibasala kumubelekela?
Ino kulyaaba alimwi akubbapatizyigwa zyaamba nzi?