KUPONA BUUMI BWA BUNAKRISTO
Lulayo—Ncitondezyo Caluyando lwa Jehova
Kupa lulayo caamba kupa malailile, kuyiisya, alimwi akululamika. Jehova ulatulaya kutegwa katumukomba munzila iitambulika kulinguwe. (Rom. 12:1; Heb. 12:10, 11) Zimwi ziindi lulayo lulacisa, pele kuti twalutobela, tulalulama mumeso aa Leza akujana zilongezyo. (Tus. 10:7) Ino ncinzi ncobeelede kuyeeya aabo bapa lulayo alimwi abalutambula?
Sikupa. Baalu, bazyali, alimwi abamwi balasoleka canguzu kupa lulayo caluzyalo alimwi caluyando mbuli mbwacita Jehova. (Jer. 46:28) Noluba lulayo lupegwa canguzu lweelede kupegwa kweelana abukkale alimwi munzila yaluyando.—Tit. 1:13.
Sikutambula. Kufwumbwa nzila mbolwapegwa lulayo, tatweelede kulukaka pele tweelede kulubelesya mpoonya-mpoonya. (Tus. 3:11, 12) Mbotuli bantu batalondokede, toonse buyo tuyandika lulayo, lwalo luboola munzila ziindene-indene. Tulalaigwa anzyotubala mu Bbaibbele naa nzyotumvwa kumiswaangano yambungano. Zimwi ziindi bamwi bayandika kulaigwa akkomiti yalubeta. Ikuti twalutambula lulayo alimwi akulubelesya, tuyooba abuumi bubotu alimwi akupona kukabe kutamani.—Tus. 10:17.
AMWEEBELELE KAVIDIYO KAKUTI “AABO MBAYANDA JEHOVA ULABALAYA,” MPOONYA MWIINGULE MIBUZYO IITOBELA:
Ino buumi bwaba Canon bwakatalika buti, alimwi mbuti mbobwakacinca?
Ino bakalulamikwa buti caluyando a Jehova?
Amwiiye kuyanda lulayo luzwa kuli Jehova
Ino twiiya nzi kulimbabo?