Amutondezye Luyando Mumukwasyi

Luyando ndolukamantanya mukwasyi. Kakunyina luyando, inga cabayumina banamukwasyi kukamantana alimwi akubelekela antoomwe. Mbuti bamalumi, bamakaintu, alimwi abazyali mbobakonzya kutondezya luyando mumukwasyi?

Mulumi siluyando ulabikkila maano zintu nzyayandika mukaintu, mizeezo yakwe alimwi ambwalimvwa. (Ef. 5:28, 29) Ulabapa nzyobayandika kumubili akumuuya bamukwasyi wakwe, kubikkilizya abubambe bwa Kukomba Kwamumukwasyi. (1Tim. 5:8) Mukaintu siluyando ulalibombya kumulumi wakwe alimwi ‘ulamulemeka kapati.’ (Ef. 5:22, 33; 1Pet. 3:1-6) Boonse bobilo beelede kuti kabalibambilide kulekelela kuzwa ansi aamoyo. (Ef. 4:32) Bazyali bajisi luyando balababikkila maano bana babo umwi aumwi kumugama alimwi akubayiisya kuyanda Jehova. (Dt. 6:6, 7; Ef. 6:4) Ino mbuyumuyumu nzi mbobajana bana babo kucikolo? Ino bakuzunda buti kuyungwa abeenzinyina? Ikuti kakuli luyando mumukwasyi, boonse banamukwasyi banoolimvwa kukwabililwa.

AMWEEBELELE KAVIDIYO KAKUTI AMUTONDEZYE LUYANDO LUTAMANI MUMUKWASYI WANU, MPOONYA MWIINGULE MIBUZYO IITOBELA:

• 

  Mbuti mulumi siluyando mbwasanina akuyanda mukaintu wakwe?

• 

  Mbuti mukaintu siluyando mbwatondezya kuti ulamulemeka kapati mulumi wakwe?

• 

  Mbuti bazyali balaaluyando mbobayiisya bana babo Jwi lya Leza?