Amulemeke Bamakaintu Bapati Mbuli Banyoko, Basimbi Mbuli Bacizyi Banu

Magwalo atwaambila kuti tweelede kulemeka Banakristo bacembeede mbuli bamamama abamatata alimwi abana baniini mbuli banabokwesu. (Amubale 1 Timoteyo 5:1, 2.) Kwaambisya bakwesu beelede kweendelezya bacizyi munzila yabulemu.

Mukwesu teelede kusobana nkwela naa kucita cintu cimwi cikonzya kupa kuti mucizyi alimvwe kutaanguluka ciindi nali munsi anguwe. (Job. 31:1) Mukwesu uutakwete tayeelede kucita zintu zitondezya mbuli kuti ulamuyanda mucizyi kakuli tamuyandi.

Baalu beelede kumubikkila maano mucizyi iwabuzya mubuzyo cabulemu naa kwaamba kaambo kayandika kulanganizyigwa cakufwambaana. Kuyungizya waawo, baalu beelede kubakwabilila aabo ibatakwe bamalumi.—Rut. 2:8, 9.

AMWEEBELELE KAVIDIYO KAKUTI AMUTONDEZYE LUYANDO LUTAMANI MUMBUNGANO​—KULI BAMUKABAFWU ABAMUCAALA, MPOONYA MWIINGULE MIBUZYO IITOBELA:

• 

  Mbuti mbungano mboyakatondezya luyando lutamani kumucizyi Myint?

• 

  Mbuti luyando lwakatondezyegwa abasimbungano mbolwakapa bumboni bubotu mumunzi?

• 

  Mbuti luyando lwakatondezyegwa abasimbungano mbolwakabajatikizya bana bamucizyi Myint?

Ino muunzila nzi momukonzya kutondezya luyando kubacizyi bali mumbungano yanu?