Amubagwasye Basikwiiya Bbaibbele Kuleka Zilengwa Zitali Kabotu

Balikke aabo basalala mukulilemeka mbabakonzya kuba acilongwe ciyumu a Jehova. (1Pet. 1:14-16) Ciindi basikwiiya Bbaibbele nobaleka zilengwa zitali kabotu, balakonzya kukkomaninwa amukwasyi, kupona buumi bubotu, alimwi akuyobola mali.

Cakusalala, amubapandulwide zyeelelo zya Jehova zyakulilemeka, kaambo ncazibikkide, alimwi abubotu bwakuzitobela. Amubagwasye basikwiiya Bbaibbele banu kubona kuti ciindi nobacinca mbobayeeya, bayoocikonzya kucita ncayanda Jehova. (Ef. 4:22-24) Amubasyomezye kuti kwiinda mukugwasyigwa a Jehova, balakonzya kwiileka micito mibyaabi njobali kucita kwaciindi cilamfwu. (Flp. 4:13) Amubayiisye kupaila kuli Jehova ciindi nobasunkwa kubisya. Amubagwasye kubona bukkale bukonzya kubasunka alimwi ambobakonzya kubweeleba. Amubakulwaizye kucita zintu zikonzya kubagwasya muciindi cakucita zintu zibi. Muyookkomana kubona basikwiiya Bbaibbele banu kuti bacikonzya kucileka zilengwa zitali kabotu.

AMWEEBELELE KAVIDIYO KAKUTI AMUBAGWASYE BASIKWIIYA BBAIBBELE BANU KULEKA ZILENGWA ZITALI KABOTU, MPOONYA MWIINGULE MIBUZYO IITOBELA:

• 

  Sena baalu a Neeta banyema ciindi nobazyiba kujatikizya cilengwa ca Jade citali kabotu?

• 

  Mbuti Neeta mbwaazumanana kumugwasya Jade?

• 

  Mbuti Jade mbwaalomba lugwasyo kuli Jehova?