MBONO IZILI MU JWI LYA LEZA

Sena Mulacita Zintu Cabusicamba Mbuli Asa?

Cabusungu, Asa wakakwabilila bukombi busalala (1Bam. 15:11, 12; w12 8/15 8 ¶4)

Cabusicamba, Asa wakatondezya kuti bukombi bwakwe bwakali kuyandika kapati kwiinda banamukwasyi (1Bam. 15:13; w17.03 19 ¶7)

Nokuba kuti Asa wakalubizya, Jehova wakacili kumubona kuti ulasyomeka akaambo kabube bubotu mbwaakajisi (1Bam. 15:14, 23; it-1 184-185)

Mwana musankwa wazwa aŋanda. Mpoonya bausyi bakumbata bakaintu babo balila amwanaabo musimbi.

AMULIBUZYE KUTI: ‘Sena ndiIi musungu kubukombi bwakasimpe? Sena ndiIaleka kuyanzana amuntu uuli woonse, kubikkilizya amunamukwasyi, iwamuzangila Jehova?’—2Joh. 9, 10.