Bantu Ibayanda Kukkomanisya Jehova Basala Cabusongo

Amubale Matalikilo 25:​29-34 kutegwa muzyibe naa Esau a Jacobo bakasala cabusongo.

Amusolekesye kwaazyiba makani aayengelede. Ncinzi cakasaanguna kucitika? (Matl. 25:​20-28) Ncinzi cakacitika kuzwa waawo? (Matl. 27:​1-46)

Amuvwuntauzye kutegwa mwaazyibe makani oonse. Mumazuba aayo, ino ncinzi ncaakali kucita mwana musankwa alimwi mbulumbu nzi mbwaakali kujana? (Matl. 18:​18, 19; w10 E 5/1 13)

• Kutegwa muntu abe syaanyinakulu Mesiya sena wakeelede kuba mutaanzi kuzyalwa? (w17.12 14-15)

Amubone nzyomwaiya alimwi amuzibelesye. Nkaambo nzi nzyoolwe zyakuba mutaanzi kuzyalwa ncozyakali kuyandika kapati kuli Jacobo kwiinda kuli Esau? (Heb. 12:​16, 17; w03 E 10/15 28-29) Ino Jehova wakalimvwa buti kujatikizya babunyina aaba alimwi nkaambo nzi? (Malk. 1:​2, 3) Ino ncinzi Esau ncaakali kukonzya kucita kutegwa asale cabusongo?

• Amulibuzye kuti: Ino inga ndatondezya buti kuti kukomba Jehova ncecintu ciyandika kapati kulindime ciindi nondisala mbondeelede kubelesya ciindi cangu nsondo yoonse, akuba masimpe kuti ndilijisi ciindi cakukomba mumukwasyi?