Amwiiye Kamujisi Makanze Aakwaambila Bamwi Nzyomwiiya

Ciindi notubala akwiiya Bbaibbele tulakatalukwa. Pele tulakatalukwa kapati ciindi notwaambila bamwi zintu nzyotwiiya zyalo izitugwasya kuba acilongwe ciyumu a Jehova. Lugwalo lwa Tusimpi 11:25 lwaamba kuti: “Kufwumbwa uukatalusya bamwi alakwe uyookatalusyigwa.”

Kwaambila bamwi nzyotwiiya kulakonzya kupa kuti kacituubila kuyeeya twaambo alimwi akuyungizya luzyibo lwesu. Alimwi akaambo kakuti twaambo ootu tulakonzya kubagwasya abamwi, cilatukkomanisya kubaambila.—Mil. 20:35.

Amusole nzila eeyi: Munsondo ziboola, amujane coolwe cakwaambila muntu umwi zintu nzyomwakaiya. Muntu ooyo ulakonzya kali munamukwasyi, wamumbungano, mubelesinyoko, sicikolonyoko, simukobonyoko naa muntu ngomujana mumulimo wakukambauka. Amukasole kwaamba munzila ngubauba alimwi iilimvwisya kubelesya majwi aanu.

Kamuyeeya kaambo aaka: Amwaambile bamwi nzyomwiiya kutegwa mubakulwaizye ikutali kuyanda kubagambya amakani ngomuzyi.—1Kor. 8:1.