Jesu “Wakaiya Kumvwida”

Jesu lyoonse wali kumumvwida Jehova. (Joh. 8:29) Pele nkaambo nzi Bbaibbele ncolyaambila kuti: “Wakaiya kumvwida kuzintu nzyaakapenga”?—Heb. 5:8.

Naakali anyika, Jesu wakalijana mubukkale ibwatakaliko kujulu. Mucikozyanyo, wakakomezyegwa abazyali ibakali kumuyanda Jehova pele ibatakalondokede. (Lk. 2:51) Alimwi wakaliyumya kukuteendelezyegwa kabotu abasololi bazikombelo babyaabi abeendelezi. (Mt. 26:59; Mk. 15:15) Kunze lyaboobo, wakafwa lufwu lucisa kapati. Bbaibbele lyaamba kuti: “Wakalicesya akumvwida mane kusikila kulufwu.”—Flp. 2:8.

Aboobo, Jesu wakaiya kumvwida munzila mpya naakali anyika. Nkakaambo kaako wakaba Mwami alimwi a Mupaizi Mupati walo uukonzya kutweetelela. (Heb. 4:15; 5:9) Aboobo Jesu wakatalika kuyandwa kapati a Jehova akaambo kakwiiya kumvwida kuzwa kuzintu nzyaakapenga. Mbubwenya buyo, andiswe tulakonzya kuyandwa a Jehova akubelesyegwa anguwe mumulimo uuli woonse ngwakonzya kutupa, kufwumbwa buyo kuti twazumanana kumvwida mubukkale bukatazya.—Jak 1:4.