Nkondo Yaku Ukraine Yanjila Mumwaka Wabili​—Ino Mbulangizi Nzi Mbolipa Bbaibbele?

Muli Bwasanu, February 24, 2023, nkondo yaku Ukraine iinooli yakkwanya mwaka omwe kuzwa noyakatalika. Kweelana amalipooti, basikalumamba baku Ukraine aku Russia babalilwa ku 300,000 bakajaigwa naa kulicisa, kumane bantu-bantu buyo babalilwa ku 30,000 kulibonya kuti bakafwa munkondo eeyi. Nokuba boobo, kweelede kuti mweelwe wabantu bakafwa munji kapati.

Cuusisya ncakuti, kunyina bulangizi bwakuti nkondo eeyi ilamana.

• “Kuzwa ciindi basikalumamba baku Russia nobakanjila mu Ukraine, kunyina bulangizi bwakuti nkondo inga yamana ino-ino. Tabaningalibonya batiizunde munkondo eeyi, alimwi takulibonyi bulangizi buli boonse bwakuti inga bajana nzila njobakonzya kuzuminana.”​—NPR (National Public Radio), February 19, 2023.

Bantu banji baluuside kapati akaambo kamapenzi ngoyaleta nkondo eeyi alimwi ankondo zimbi kubantu banyina mulandu nyika yoonse. Ino mbulangizi nzi mbolipa Bbaibbele? Sena nkondo kuli noziyoomana?

Nkondo iyoomana nkondo zyoonse

Bbaibbele lyaamba zyankondo iyoofwutula bantu, kutali kubanyonyoona. Nkondo eeyo yiitwa kuti Amagedoni, alimwi yaambwa kuti ‘ninkondo yabuzuba bupati bwa Leza Singuzuzyoonse.’ (Ciyubunuzyo 16:14, 16) Kwiinda munkondo eeyi, Leza uyoomanizya bulelo bwabantu, bwalo bwapa kuti kube nkondo zinji zinyonyoona. Kutegwa mwiiye Amagedoni mboiyakuleta luumuno lutakamani, amubale zibalo zitobela:

• “Ino Nkondo ya Amagedoni Ninzi?”

• “Amagedoni, Makani Mabotu!”