Sena Bakamboni ba Jehova Balabalemeka Bazikombelo Zimbi?
Tutobela lulayo lwamu Bbaibbele ‘lwakulemeka bantu bamisyobo yoonse’—kunyina makani anjiisyo zyabukombi nzyobasyoma. (1 Petulo 2:17) Mucikozyanyo, muzisi zimwi kuli Bakamboni ba Jehova banji. Nokuba boobo, tatusinikizyi basimapolitikisi naa basikupanga milawo kuti balesye milimo yazikombelo zimwi. Alimwi tatulwanini kuti kubikkwe milawo kubanabuleya yeendelana akulilemeka kwesu alimwi anjiisyo zyabukombi nzyotusyoma. Muciindi caboobo, tubapa bulemu bweelene abulemu mbotuyanda kuzwa kulimbabo.—Matayo 7:12.