Sena Leza Weelede Kupegwa Mulandu Akaambo Kakupenga Nkotupenga?

Bwiinguzi bwamu Bbaibbele

Ibbaibbele lilaingula cakutainda mumbali kuti peepe! Taakwe nokwakali kuyanda kwa Leza kuti bantu kabapenga. Nokuba boobo, banabukwetene bakusaanguna bakazangila Bweendelezi bwa Leza, bakasala kulibikkila zyeelelo zyabo beni zyacibotu acibi. Bakamufwutatila Leza mpoonya bakatalika kupenga.

Mazubaano tulapenga akaambo kakusala kwabo kubi nkobakacita. Pele taakwe Leza naakatalisya kupenga kwabantu.

Ibbaibbele lyaamba kuti: “Eelyo nasukusyigwa, kutabi muntu waamba kuti: “Ndili mukusunkwa a Leza.” Nkaambo kunyina muntu uunga wasunka Leza azyintu zibyaabi alimwi walo tasunki muntu uuli woonse azyintu zibyaabi.” (Jak. 1:13) Kupenga kulakonzya kusikila muntu uuli woonse—nobaba bantu Leza mbayanda.