LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • ijwbq cibalo 121
  • Ino Silutwe Wabangelo Mikayeli Nguni?

Kunyina vidiyo aawa mpomwasala.

Vidiyo yakaka kulila.

  • Ino Silutwe Wabangelo Mikayeli Nguni?
  • Mibuzyo Yamu Bbaibbele Yaingulwa
  • Tutwe Twamakani
  • Makani Aakozyenye
  • Bwiinguzi bwamu Bbaibbele
  • Ino Mikayeli Angelo Simutwe Nguni?
    Ino Ncinzi Cini Bbaibbele Ncoliyiisya?
  • Sena Jesu ngo Mungelo Mupati Mikayeli?
    Ngazi Yamulindizi—2010
  • Makani Aamasimpe Kujatikizya Bangelo
    Ngazi Yamulindizi Yaambilizya Bwami bwa Jehova (Yakubuleya)—2017
  • Ikukulwaizigwaa Mutumwa Uuzwa Kuli Leza
    Amububikkile Maanu Businsimi bwa Daniele!
Mibuzyo Yamu Bbaibbele Yaingulwa
ijwbq cibalo 121
Silutwe wabangelo Mikayeli antoomwe ankamu yabangelo

Ino Silutwe Wabangelo Mikayeli Nguni?

Bwiinguzi bwamu Bbaibbele

Mikayeli walo bazikombelo zimwi ngobaamba kuti “Saint Michael,” ndizina ndyaakapegwa Jesu katanaboola aano anyika alimwi anaakajokela kujulu.a Mikayeli wakakazyanya a Saatani ciindi Musa naakafwa alimwi wakagwasya mungelo umwi kutola mulumbe wa Leza kumusinsimi Daniele. (Daniele 10:13, 21; Juda 9) Mikayeli ulapona kweelana ancolyaamba zina lyakwe kuti “Nguni Uuli Mbuli Leza?” kwiinda mukwiiminina bweendelezi bwa Leza alimwi akulwana basinkonyina a Leza.​—Daniele 12:1; Ciyubunuzyo 12:7.

Amubone kaambo ncotukonzya kwaamba kuti Jesu ngo Mikayeli silutwe wabangelo.

  • Mikayeli ‘ngosilutwe wabangelo.’ (Juda 9) Zina lyabulemu lyakuti “silutwe wabangelo,” ikwaamba kuti “mupati wabangelo,” lijanika buyo mutupango tobilo twamu Bbaibbele. Mutupango toonse tobilo, bbala eeli talyaambidwe mubunji, ikutondezya kuti mungelo omwe buyo nguujisi zina eeli lyabulemu. Kapango kamwi kaamba kuti Mwami iwakabusyigwa Jesu “uyooseluka kuzwa kujulu akwaambilizya ajwi lyanguzu, ijwi lyasilutwe wabangelo.” (1 Batesalonika 4:​16) Jesu ulijisi “ijwi lyasilutwe wabangelo” nkaambo ngosilutwe wabangelo, Mikayeli.

  • Mikayeli ulailila nkamu yabangelo basikalumamba. “Mikayeli abangelo bakwe bakalwana simwaaba,” Saatani. (Ciyubunuzyo 12:7) Mikayeli ulijisi nguzu kapati nkaambo waambwa kuti “umwi wabasilutwe bapati” alimwi akuti “silutwe mupati.” (Daniele 10:13, 21; 12:1) Kweelana ambwaakaamba Syaazibwene umwi mulwiiyo lwa Cizuminano Cipya wazina lyakuti David E. Aune, mazina aaya aabulemu atondezya kuti Mikayeli “ngomweendelezi mupati wabangelo.”

    Bbaibbele lyaamba buyo zina limbi lyomwe lyamuntu uujisi nguzu zyakweendelezya nkamu yabangelo basikalumamba. Lyaamba ciindi “aakuyubunuka Mwami Jesu kuzwa kujulu abangelo bakwe basinguzu mumulilo uuvwilima, eelyo aakusubula.” (2 Batesalonika 1:​7, 8; Matayo 16:27) Jesu “wakaunka kujulu eelyo lino uli kujanza lyalulyo lya Leza, alimwi bangelo, beendelezi abasinguzu bakabikkwa ansi aanguwe.” (1 Petro 3:​21, 22) Tiicakali kunoopanga maano kuti Leza naakabikka Jesu a Mikayeli kuba beendelezi basikuzundana babangelo basalala. Muciindi caboobo, cilamvwika kwaamba kuti mazina oonse obilo lyakuti Jesu alyakuti Mikayeli aamba buyo muntu omwe.

  • Mikayeli “uyakwiimikila” “ciindi camapenzi” aatanacitikide. (Daniele 12:1) Mubbuku lya Daniele, bbala lyakuti ‘kwiimikila’ kanji-kanji lilabelesyegwa kwaamba mwami uuyakubweza ntaamu yaalubazu. (Daniele 11:​2-4, 21) Jesu Kristo iwaambwa kuti “Jwi lya Leza,” uyoobweza ntaamu eeyi yaalubazu kali “Mwami wabami” ikunyonyoona basinkondo ba Leza boonse mpoonya akukwabilila bantu ba Leza. (Ciyubunuzyo 19:11-​16) Uyoocita oobo ‘lyamapenzi mapati aatanacitikide kuzwa kumatalikilo aanyika.’​—Matayo 24:21, 42.

a Bbaibbele lyaamba bantu bambi ikubelesya mazina manji, kubikkilizya a Jakobo (alimwi wiitwa kuti Israyeli), Petro (alimwi wiitwa kuti Simoni), a Tadayo (alimwi wiitwa kuti Judasi).​—Matalikilo 49:​1, 2; Matayo 10:​2, 3; Marko 3:​18; Milimo 1:​13.

    Chitonga Publications (1991-2024)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi