Bupanduluzi Buyungizyidwe

b Ikutegwa amanizye cibi ca Adamu, Jesu wakeelede kufwa kali mwaalumi uulondokede ikutali mwana buyo uulondokede pe. Kamuyeeya kuti, icibi ncaakacita Adamu wakacicita acaali, wakalizyi kuti ikucita boobo wakali mulandu mupati alimwi azyoonse zyakali kuyootobela akaambo kacibi eeco. Aboobo ikutegwa abe “Adamu wamamanino” alimwi akumanizya cibi eeco, Jesu wakeelede kusala caluzyibo, cakusima ikutegwa azumanane kusyomeka kuli Jehova. (1 Bakorinto 15:45, 47) Aboobo, buumi bwa Jesu bwakusyomeka, kubikkilizya alufwu lwakwe lwacipaizyo, zyakapa ‘kucita cintu ciluleme comwe.’​—Baroma 5:18, 19.