Bupanduluzi Buyungizyidwe

a Kumakani aakuzyalwa kwa Jesu munzila yamaleele, Koran kuli Surah caandaano 19 (Mariya). Yaamba kuti: “Twakatuma muuya Wesu kuli [Mariya] muciimo camwaalumi mupati kale. Alimwi naakamubona mwaalumi ooyu wakaamba kuti: ‘Siluzyalo kaka aandivwune kulinduwe! Ikuti naa ulamuyoowa Mwami, kondileka alimwi kogama nzila yako.’ Mwaalumi wakamwiingula kuti, ‘ndili mutumwa wa Mwami wako alimwi ndaboola kuti ndikupe mwana uusetekene.’ Mariya wakaingula kuti: ‘Mbuti mbondiyoobaa mwana kandili nakalindu uutanaswaangene amwaalumi?’ Mwaalumi wakaingula kuti: ‘Ooko nkuyanda kwa Mwami wako. Eeco tacili cintu ciyumu kucita Kulinguwe. Mwami waamba kuti: “Uyooba citondezyo kubantu alimwi acilongezyo kuzwa Kulindiswe. Ooku nkokwaambilizya Kwesu.”’”