Bupanduluzi Buyungizyidwe

c Makani Mabotu aa Luka aamba masunko munzila iindene ambwaakali kuccililana, pele mucibalo cili ku Matayo aambidwe cakuccililana kweelana ambwaakali kucitika. Atubone twaambo totatwe ncocili boobo. (1) Matayo wakatalika kwaamba kujatikizya sunko lyabili kubelesya bbala lyakuti “mpoonya,” ikutondezya kuti ndelyakali kutobela mumulongo. (2) Cilalimvwisya kuti masunko obilo aabucenjezu, limwi alimwi kalitalika amajwi aakuti, “Ikuti naa uli mwana wa Leza,” akali kukonzya kutobelwa asunko ligaminide lyakutyola mulawo wakusaanguna. (Kul. 20:2, 3) (3) Majwi aa Jesu aakuti “Kozwa aawa Saatani!” aleelela kuti akatobela sunko lyatatu alimwi ilyamamanino.—Mt. 4:5, 10, 11.