Bupanduluzi Buyungizyidwe

a Nokuba kuti busanduluzi bwama Bbaibbele bunji bwaamba bbala lya Cihebrayo lyakuti ’eʹrets kuti “kabeela kanyika” muciindi “canyika yoonse,” kunyina kaambo ncotweelede kwaamba ’eʹrets yaambwa ku Intembauzyo 37:11, 29 kuti yaamba buyo kabeela kanyika kakapegwa bana Israyeli. Ibbuku litegwa Old Testament Word Studies ilyakalembwa aba William Wilson lipandulula bbala lya ’eʹrets kuti “nyika yoonse, zibeela zikkalwa bantu azitakkalwi bantu; ziindi zisyoonto buyo nolitaambi boobo, libelesegwa kwaamba cibeela cimwi canyika, mbuli cooko naa cisi.” Aboobo bupanduluzi bwakusaanguna alimwi buyandika kapati bwabbala lya Cihebrayo bwaamba nyika yoonse mpotukkala.—Amubone Ngazi Yamulindizi, ya Cingisi yamu January 1, 1986, peeji 31.