Bupanduluzi Buyungizyidwe

b Bana Egepita bakali kupanga misyobo iinda ku 90 iindene-indene yazinkwa alimwi amakkekke. Aboobo silutwe iwakali kupanga zinkwa wa Farao wakali muntu iwakali kulemekwa kapati. Silutwe ooyu iwakali kutola zyakunywa kumwami ngonguwe wakali kulanganya babelesi. Wakali kubikkila maano kubona kuti waini naa bukoko ibwakali kupegwa kuli Farao bwakali kabotu kapati alimwi wakali kuba masimpe kuti taakwe uusola kubikkila mwami musamu. Ooyu wakali mukuli mupati ngwaakajisi walo iwakali kukonzya kumubikka muntenda, nkaambo aciindi eeco kucitila mwami cabumpelenge naa kumujaya cakalidumide kapati. Kunze lyaboobo, cakalizyibidwe kuti sikutola zyakunywa kumwami wakali kusyomwa kuti inga waba sikulaya wamwami.