• ‘Mwanakazi Mubotu Kapati’
    Amwiiye Lusyomo Lwabo

    • 7, 8. (a) Ino Naomi wakabona kuti luzyalo ndwaakatondezya Boazi lwakali kuzwa kuli, alimwi nkaambo nzi? (b) Mbuti Rute alimwi mbwaakatondezya luyando lwini-lwini kuli banyinazyala?

      7 Bobilo aaba bakatalika kubandika, alimwi Rute wakaambila Naomi kujatikizya luzyalo lwa Boazi. Naomi wakaamba kuti: “Jehova amupe coolwe, oyo uutaleki luzyalo lwakwe nekuba kubaumi nekuba kubafu.” (Rut. 2:20) Wakabona luzyalo lwa Boazi kuti lwakali kuzwa kuli Jehova, walo uukulwaizya babelesi bakwe kuba baabi alimwi uusyomezya kulumbula bantu bakwe akaambo kaluzyalo ndobatondezya.a—Amubale Tusimpi 19:17.

  • ‘Mwanakazi Mubotu Kapati’
    Amwiiye Lusyomo Lwabo

    • a Kweelana ambwaakaamba Naomi, luzyalo lwa Jehova talutondezyegwi buyo kubaumi, pele abafwide balakonzya kugwasyigwa andulo. Naomi wakafwidwa mulumaakwe abana bakwe bobilo. Rute wakafwidwa mulumaakwe. Cakutadooneka, baalumi aaba botatwe bakali kuyandwa kapati abamakaintu aaba. Luzyalo luliloonse ilwakali kutondezyegwa kuli Naomi alimwi a Rute, cakali mbuli kuti bakali kulutondezya kubaalumi aabo ibakali kuyanda kuti bamakaintu aaba bayandwa kabalanganizyigwa kabotu.

      b Kuboneka kuti coolwe cakukwata mukamufwu cakali kusaanguna kupegwa kubanyina bamulumi iwakafwa kumane kubasankwa bamumukowa bambi, mbubwenya mbocakabede akulukono.—My. 27:5-11.

  • ‘Mwanakazi Mubotu Kapati’
    Amwiiye Lusyomo Lwabo

    • 11, 12. (a) Ciindi Naomi naakaamba Boazi kuti “siluzuboma,” mbubambe nzi bwaluyando bwamu Mulawo wa Leza mbwaakali kwaamba? (b) Ncinzi Rute ncaakaamba kumuzeezo wabanyinazyala?

      11 Ciindi cakusaanguna Rute naakaamba zya Boazi, Naomi wakaamba kuti: “Oyo muntu ngumukwesu, ngusiluzuboma.” (Rut. 2:20) Ino eeco cakali kwaamba nzi? Mulawo wa Leza kubana Israyeli wakali kubikkilizya abubambe bwaluyando kumikwasyi iyakali kupenga akaambo kabucete naa kufwidwa. Kuti mukaintu wafwidwa katanaba amwana, wakali kutyompwa kapati nkaambo zyina lyamulumaakwe, mukowa wakwe wakali kuloba. Nokuba boobo, Mulawo wa Leza wakali kuzumizya kuti munyina mulumaakwe ulakonzya kukwata mukamufwu kutegwa azyale sikukona iwakali kuyakubweza zyina lyamulumaakwe alimwi akulanganya lubono lwamukwasyi.b—Dt. 25:5-7.