• Wakalangila Akulindila
    Amwiiye Lusyomo Lwabo

    • 17, 18. (a) Ncinzi cakamucitikila Eliya naakali munzila kuya ku Jezreeli? (b) Ncinzi cakali kugambya kujatikizya kubalika kwa Eliya kuzwa ku Karimeli kuya ku Jezreeli? (Amubone amajwi aamunsi.)

      17 Musinsimi wa Jehova wakabweza lweendo kubelesya nzila njiyona njaakabelesya Ahabu. Wakali musinzo mulamfwu ngwakeelede kweenda masiku alimwi munzila mwakali mankandya. Pele kwakacitika cintu cigambya.

      18 “Ijanza lya-Jehova lyakalijisi Eliya, aboobo wakalyaanga-anga mucikungu, wazuzaana kunembo lya-Ahabu mane wakasika kumanjililo aa-Jezreeli.” (1 Bam. 18:46) Cilisalede kuti “ijanza lya-Jehova” lyakali kugwasyilizya Eliya munzila iigambya. Musinzo wakuya ku Jezreeli wakali kulampa makkilomita aali 30 alimwi Eliya wakalicembeede.a Amweezeezye buyo musinsimi ooyo kakwela cisani cilamfwu cakali kulengeenga akucaanga mucibuno kutegwa citamulebi, akutalika kubalika munzila iyakali kukunka maanzi aamvwula—kabalika cakufwambaana mane wayeenzya nkalaki njaakatantide mwami akuyiindilila!

      19. (a) Ino nguzu Leza nzyaakapa Eliya inga zyatuyeezya businsimi buli? (b) Ncinzi ncaakazyi Eliya ciindi naakali kubalika kuya ku Jezreeli?

      19 Eelo kaka eeci cakali cilongezyo cipati kuli Eliya! Kweelede kuti musinsimi ooyu wakakkomana kapati akaambo kakupegwa nguzu alimwi kuzwa kubwana bwakwe taakwe buzuba nobuba bomwe naakalilimvwide boobo. Eeci cilakonzya kutuyeezya businsimi bwakuti aabo basyomeka baya kulondoka akuba anguzu mu Paradaiso anyika. (Amubale Isaya 35:6; Lk. 23:43) Eliya naakali kuyaabubalika munzila eeyo iyakali kukunka maanzi, mubwini wakalizyi kuti wakali kuyandwa a Usyi, Jehova, Leza wakasimpe uuli alikke!

  • Wakaumbulizyigwa a Leza Wakwe
    Amwiiye Lusyomo Lwabo

    • 1, 2. Ncinzi cakacitika mubuzuba buyandika kapati mubuumi bwa Eliya?

      ELIYA wakabalika mumvwula kujulu nokwakali kuyaabusiya. Wakeelede kweenda musinzo mulamfwu kategwa asike ku Jezreeli, alimwi wakalicembeede. Nokuba boobo, wakazumanana kubalika, nkaambo “ijanza lya-Jehova” lyakali anguwe. Taakwe ciindi naakajisi nguzu zinji boobu. Kayi, wakabalika kusiya mabbiza aakali kukwela Mwami Ahabu munkalaki yakwe yabwami.—Amubale 1 Bami 18:46.