• Wakaliyumya Mubweendelezi Butaluleme
    Ngazi Yamulindizi—2014 | February 1

    • Cilagambya kubala kujatikizya muzeezo mubi ngwaakajisi. Mwami mukaintu Jezebeli wakalizyi kuti kweelana a Mulawo wa Leza, kwakali kuyandika bakamboni bobilo kutegwa kaambo kasinizyigwe kuti nkamasimpe. (Deuteronomo 19:15) Aboobo wakalemba magwalo muzina lya Ahabu, akulailila baalumi bakali aampuwo mu Jezreeli kuti bajane baalumi bobilo ibalisungwide kwaamba makani aakubeja kujatikizya Naboti—nkokuti makani aakusampaula aakali kukonzya kupa muntu kuti ajaigwe. Makanze aakwe akazwidilila. Mpoonya “bana ba-Saatani” bobilo bakaamba makani aakubeja kujatikizya Naboti, aboobo wakajaigwa kwiinda mukumupwaya mabwe. Alimwi bana ba Naboti abalo bakajaigwa.b (1 Bami 21:5-14; Levitiko 24:16; 2 Bami 9:26) Munzila eeyi, Ahabu wakazumizya mukaintu wakwe kucita kufwumbwa ncaakali kuyanda, nkokuti kujaya bantu banyina mulandu.

  • Wakaliyumya Mubweendelezi Butaluleme
    Ngazi Yamulindizi—2014 | February 1

    • b Ikuti naa Jezebeli wakali kuyoowa kuti muunda ooyu wakali kuyookonwa abamukwasyi wa Naboti, ambweni ncicakamupa kubamba bubambe bwakujaya bana ba Naboti. Kutegwa muzyibe zinji kujatikizya ikaambo Leza ncalekelede micito yalunya mbuli yeeyi, amubone cibalo cakuti “Basikubala Balabuzya” mumagazini iino.