18, 19. Ino nkwiinda mukubelesya mabala nzi Ibbaibbele mbolitukulwaizya kusyoma muli Jehova, pele ino mumakani aaya mizeezo nzi iilubide bamwi njobajisi?

¹⁸ Ijwi lya Leza litukulwaizya kuti: “Syoma Jehova amoyo wako woonse; utalifunkizyi kumaanu aako omwini. Umuzibye munzila zyako zyoonse, nkabela uyooenzya myeendelo yako.” (Tusimpi 3:5, 6) Elo kaka majwi aaya alakkazika moyo! Masimpe, kunyina muntu uusyomeka kujulu aansi wiinda Taateesu wakujulu siluyando. Pele, nokuba kuti ncuuba-uba kwaabala majwi aaya mubbuku lya Tusimpi, cilakonzya kukatazya ikwaacita.

22, 23. (a) Ino nkaambo nzi ncotweelede kusyoma Jehova ciindi notwasikilwa mapenzi, alimwi ino mbuti mbotukonzya kucita oobo? (b) Ino ncinzi citiibandikwe mucibalo citobela?

²² Nokuba boobo, ibbuku lya Tusimpi 3:6 litondezya kuti tweelede ‘kumuzibya munzila zyesu zyoonse,’ ikutali buyo ciindi notuli mubukkale bukatazya. Aboobo, ikusala nkotucita abuzuba mubuumi bwesu kweelede kutondezya kuti tusyoma Jehova. Notwasikilwa mapenzi, tatweelede kunyongana, kukopana naa kukaka busolozi bwa Jehova bwanzila iinda kubota yakululamika zintu. Imasukusyo tweelede kwaabona kuti nceciindi cakukwabilila bweendelezi bwa Jehova, ikugwasya mukusinizya kuti Saatani mubeji alimwi akuyaambele mukuswiilila amubube bumwi bukkomanisya Jehova.—Ba-Hebrayo 5:7, 8.