-
‘Atubuzyanye Makani’Ibusinsimi bwa Isaya Mumuni ku Bantu Boonse-Ibbuku 1
-
-
1, 2. Ino Jehova wabeelanya anzi ibeendelezi alimwi abantu bamu Jerusalemu amu Juda, alimwi nkaambo nzi ncoceelede kucita boobu?
IBANTU bakkala mu Jerusalemu balakonzya kulimvwa kuti baleelede kulivwunya mulomo ikapati bamana kuteelela makani aakusinganya aali kuli Isaya 1:1-9. Icakutadooneka balayanda kwaamba makani aajatikizya zituuzyo nzyobatuula kuli Jehova. Nokuba boobo, akaambo kaciimo cili boobu, Jehova wapa bwiinguzi bwalunyonyooko mutupango 10 kusikila ku 15. Butalika boobu: “Amuswiilile majwi aa-Jehova nubeendelezi ba-Sodoma! Amuteelele mulao wa-Leza wesu nubantu ba-Gomora!”—Isaya 1:10.
2 Tabuli buyo bwaamu bwiindilide ibwakapa kuti minzi ya Sodoma a Gomora inyonyoonwe pele muminzi eeyi bantu bakali bayumu myoyo alimwi bakali kulisumpula kapati. (Matalikilo 18:20, 21; 19:4, 5, 23-25; Ezekieli 16:49, 50) Ibaswiilizi ba Isaya bagambwa kapati kumvwa kuti beelanisyigwa abantu bamuminzi eeyi iisinganizyidwe.a Pele Jehova ubona bantu aba kweelana ambobabede bwini-bwini, aboobo Isaya taakwe naaubya-ubya mulumbe wa Leza ikutegwa ‘babotelwe kumumvwa.’—2 Timoteo 4:3.
-
-
‘Atubuzyanye Makani’Ibusinsimi bwa Isaya Mumuni ku Bantu Boonse-Ibbuku 1
-
-
a Imwami mubyaabi Manase nguwakajaya Isaya akumukosola akati ikweelana acilengwa cansiku cabama Juda. (Amweezyanisye a Ba-Hebrayo 11:37.) Ikweelana abwaamba bbuku limwi, imusinsimi wakubeja wakazalikizya Isaya mulandu ooyu ikutegwa ajayigwe ulaamba: “Wayita munzi wa Jerusalemu kuti ngu Sodoma alimwi ibami ba Juda a Jerusalemu wabaamba kuti mbantu bamu Gomora.”
-