MBONO IZILI MU JWI LYA LEZA | JEREMIYA 51-52
Jwi lya Jehova Lilazuzikizyigwa Mumbazu Zyoonse
Jehova wakaambilalimwi zintu ziyoocitika kumbele
Sibuta iwakali kugatela ŋanda yamwami wa Persia
“Amukwenge mivwi”
Bana Mediya abana Persia bakali basimata bacibwene alimwi buta cakali cilwanyo ncobakali kubelesya kapati. Bakali kwiikwenga mivwi yabo kutegwa kaiyasa kapati
“Basikalumamba ba Babuloni baleka kulwana”
Malembe aategwa Nabonidus Chronicle aamba kuti: “Impi ya Koresi yakanjila mu Babuloni kakunyina kulwana.” Eeci cileendelana abusinsimi bwa Jeremiya
Malembe aategwa Nabonidus Chronicle
“Babuloni uyooba mulwi wamabwe kukabe kutamani”
Kutalikila mumwaka wa 539 B.C.E., bulemu bwa Babuloni bwakatalika kumana. Alekizanda Mupati wakali kuyanda kuti abikke Babuloni kuba munzi wakwe mupati, pele wakafwambaana kufwa. Mumwaanda wamyaka wakusaanguna, kwakali ba Juda ibakaciliko ookuya, calo icakapa kuti mwaapostolo Petro aswaye Babuloni. Pele kuzikusika mumwaanda wamyaka wane C.E., munzi wakali matongo mpoonya mukuya kwaciindi wakaleka kubako