• “Bona Zintu Zibi, Izisesemya Nzyobacita”
    Bukombi Busalala—Bwabukulusyigwa!

    • Bukkale Bwabili: Bapati Bali 70 Baumpa Tununkilizyo Kuli Baleza Bakubeja

      Ezekieli wabona bapati bamuŋanda ya Israyeli kabaumpa tununkilizyo kuli baleza bakubeja

      11. Nzintu nzi zinyonganya Ezekieli nzyaakabona naakamana kunjila mulubuwa lwamukati afwaafwi acipaililo catempele?

      11 Amubale Ezekieli 8:7-12. Kwiinda mukudonkola bwaanda alimwi akunjila mulubuwa lwamukati afwaafwi acipaililo catempele, Ezekieli lino wakabona zyakuzekaula kubwaanda “zyazilenge zikalaba ansi azyabanyama basesemya, alimwi amituni yoonse iisesemya.”c Eezyo izyakazekawidwe kubwaanda zyakali kwiiminina baleza bakubeja. Cintu cakali kunyonganya kapati icakatobela ncaakabona Ezekieli ncakuti: “Bapati bali 70 bamuŋanda ya Israyeli” bakaliimvwi “mumudima” kabaumpa tununkilizyo kuli baleza bakubeja. Kweelana a Mulawo, kuumpa tununkilizyo tununkila kabotu kwakali kwiiminina mipailo iitambulika iyakali kupegwa abakombi basyomeka. (Int. 141:2) Nokuba boobo, tununkilizyo ntobakali kuumpa kuli baleza bakubeja bapati bali 70 aaba tiitwakali kabotu kuli Jehova. Mipailo yabo yakali mbuli bweema bununka kulinguwe. (Tus. 15:8) Bapati aaba bakali kulifwubaazya nobakali kwaamba kuti: “Jehova tatubwene pe.” Pele Jehova wakalibabwene, alimwi wakatondezya Ezekieli cini ncobakali kucita mutempele lyakwe!

      Bapati bamuŋanda ya Israyeli baumpa tununkilizyo kuli baleza bakubeja

      Jehova ulazibona zintu zisesemya zili zyoonse izicitwa “mumudima” (Amubone muncali 11)

      12. Nkaambo nzi ncotweelede kuzumanana kusyomeka nomuba “mumudima,” alimwi ino mbaani ikapati ibeelede kupa cikozyanyo cibotu mumakani aaya?

      12 Ino ncinzi ncotukonzya kwiiya kucibalo ca Ezekieli cabapati bana Israyeli aabo bali 70 ibakali kuumpa tununkilizyo kuli baleza bakubeja? Ikuti katuyanda kuti Leza aswiilile mipailo yesu, alimwi kutegwa bukombi bwesu buzumanane kusalala mumeso aakwe, tweelede kuzumanana kusyomeka nomuba “mumudima.” (Tus. 15:29) Tweelede kuyeeya lyoonse kuti Jehova ulazibona zyoonse nzyotucita. Ikuti Jehova kali mwini-mwini kulindiswe, tatukaciti cintu cili coonse cakusisikizya ncotuzyi kuti tacimukkomanisyi. (Heb. 4:13) Ikapati baalu bamumbungano beelede kupa cikozyanyo cibotu mukupona buumi bwa Bunakristo. (1Pet. 5:2, 3) Cakweelela, bakwesu abacizyi mumbungano balangila kuti mwaalu iwiima kumbele lyabo akubasololela mubukombi kumiswaangano ulazitobela njiisyo zyamu Bbaibbele nomuba “mumudima,” nkokuti, ciindi bamwi nobatakonzyi kumubona.—Int. 101:2, 3.

  • “Bona Zintu Zibi, Izisesemya Nzyobacita”
    Bukombi Busalala—Bwabukulusyigwa!

    • Bukkale Bwabili: Bapati Bali 70 Baumpa Tununkilizyo Kuli Baleza Bakubeja

      Ezekieli wabona bapati bamuŋanda ya Israyeli kabaumpa tununkilizyo kuli baleza bakubeja

      11. Nzintu nzi zinyonganya Ezekieli nzyaakabona naakamana kunjila mulubuwa lwamukati afwaafwi acipaililo catempele?

      11 Amubale Ezekieli 8:7-12. Kwiinda mukudonkola bwaanda alimwi akunjila mulubuwa lwamukati afwaafwi acipaililo catempele, Ezekieli lino wakabona zyakuzekaula kubwaanda “zyazilenge zikalaba ansi azyabanyama basesemya, alimwi amituni yoonse iisesemya.”c Eezyo izyakazekawidwe kubwaanda zyakali kwiiminina baleza bakubeja. Cintu cakali kunyonganya kapati icakatobela ncaakabona Ezekieli ncakuti: “Bapati bali 70 bamuŋanda ya Israyeli” bakaliimvwi “mumudima” kabaumpa tununkilizyo kuli baleza bakubeja. Kweelana a Mulawo, kuumpa tununkilizyo tununkila kabotu kwakali kwiiminina mipailo iitambulika iyakali kupegwa abakombi basyomeka. (Int. 141:2) Nokuba boobo, tununkilizyo ntobakali kuumpa kuli baleza bakubeja bapati bali 70 aaba tiitwakali kabotu kuli Jehova. Mipailo yabo yakali mbuli bweema bununka kulinguwe. (Tus. 15:8) Bapati aaba bakali kulifwubaazya nobakali kwaamba kuti: “Jehova tatubwene pe.” Pele Jehova wakalibabwene, alimwi wakatondezya Ezekieli cini ncobakali kucita mutempele lyakwe!

      Bapati bamuŋanda ya Israyeli baumpa tununkilizyo kuli baleza bakubeja

      Jehova ulazibona zintu zisesemya zili zyoonse izicitwa “mumudima” (Amubone muncali 11)

      12. Nkaambo nzi ncotweelede kuzumanana kusyomeka nomuba “mumudima,” alimwi ino mbaani ikapati ibeelede kupa cikozyanyo cibotu mumakani aaya?

      12 Ino ncinzi ncotukonzya kwiiya kucibalo ca Ezekieli cabapati bana Israyeli aabo bali 70 ibakali kuumpa tununkilizyo kuli baleza bakubeja? Ikuti katuyanda kuti Leza aswiilile mipailo yesu, alimwi kutegwa bukombi bwesu buzumanane kusalala mumeso aakwe, tweelede kuzumanana kusyomeka nomuba “mumudima.” (Tus. 15:29) Tweelede kuyeeya lyoonse kuti Jehova ulazibona zyoonse nzyotucita. Ikuti Jehova kali mwini-mwini kulindiswe, tatukaciti cintu cili coonse cakusisikizya ncotuzyi kuti tacimukkomanisyi. (Heb. 4:13) Ikapati baalu bamumbungano beelede kupa cikozyanyo cibotu mukupona buumi bwa Bunakristo. (1Pet. 5:2, 3) Cakweelela, bakwesu abacizyi mumbungano balangila kuti mwaalu iwiima kumbele lyabo akubasololela mubukombi kumiswaangano ulazitobela njiisyo zyamu Bbaibbele nomuba “mumudima,” nkokuti, ciindi bamwi nobatakonzyi kumubona.—Int. 101:2, 3.