-
Toonse Atube Bamwi, Mbubonya Jehova alimwi a Jesu Mbobali BamwiNgazi Yamulindizi (Yakwiiya)—2018 | June
-
-
KUZUNDA MUUYA WAKUSALULULA KWIINDA MUKUTONDEZYA LUYANDO AKULICESYA
8. Ino ninjiisyo nzi iiyandika kapati aayeeme lukamantano lwa Bunakristo? Amupandulule.
8 Jesu wakayiisya basikumutobela njiisyo iiyandika kapati aayeeme lukamantano lwesu. Wakati: “Nywebo nyoonse muli babunyina.” (Amubale Matayo 23:8, 9.) Masimpe, nzila imwi mbotuli “babunyina” njakuti toonse twakazwa kuli Adamu. (Mil. 17:26) Pele kuli twaambo atumbi. Jesu wakapandulula kuti basikwiiya bakwe bakali babunyina akaambo kakuti bakalizyi kuti Jehova ngu Usyi wabo wakujulu. (Mt. 12:50) Kuyungizya waawo, bakaba cibeela camukwasyi mupati wakumuuya, uukamantene akaambo kaluyando alimwi alusyomo. Aboobo mumagwalo aabo, baapostolo kanji-kanji bakali kwiita basikwiiyanyina kuti ‘bakwesu abacizyi.’—Rom. 1:13; 1Pet. 2:17; 1Joh. 3:13.a
-
-
Toonse Atube Bamwi, Mbubonya Jehova alimwi a Jesu Mbobali BamwiNgazi Yamulindizi (Yakwiiya)—2018 | June
-
-
a Ibbala lyakuti “bakwesu” lilakonzya kubikkilizya abamakaintu ibali mumbungano. Paulo wakalemba lugwalo lwakwe ‘kubakwesu’ ibakali mu Roma. Eeco cilisalede kuti wakabikkilizya abacizyi, ibunji bwabo mbaakabandauka mazina. (Rom. 16:3, 6, 12) Kwamyaka minji Ngazi Yamulindizi yali kupandulula basyomi Banakristo kuti ‘mbakwesu abacizyi.’
-