-
Bantu Ibakambauka—Babelesi Balyaaba Amoyo WoonseBwami bwa Leza Bulalela!
-
-
Mbubwenya mbuli mwaalumi uukkomana kapati akaambo kakujana cintu ciyandisi cisisidwe, Banakristo balikkomene kuti bakajana kasimpe ka Bwami (Amubone muncali 20)
20. Mbuti cikozyanyo ca Jesu calubono lusisidwe mbocitondezya basikumutobela mbobakali kuyakulutobela lulayo lwakuzumanana kusaanguna kuyandaula Bwami?
20 Jesu wakalizyi basikumutobela mbobakali kuyakulutobela lulayo lwakusaanguna kuyandaula Bwami. Amubone nzyaakaamba mucikozyanyo cakwe calubono lusisidwe. (Amubale Matayo 13:44.) Naakali kubeleka mulimo wakwe mbuli lyoonse, mubelesi wamumuunda waambidwe mucikozyanyo wakajana lubono lusisidwe, mpoonya-mpoonya wakabona mboluyandika. Ino ncinzi ncaakacita? “Akaambo kalukkomano ndwajisi, ulaunka akusambala zintu zyoonse nzyajisi akuula nyika eeyo.” Nciiyo nzi ncotwiiya? Ciindi notuzyiba kasimpe kaamba zya Bwami akuzyiba mbokayandika, calukkomano tuyakucita kufwumbwa nzyotukonzya kutegwa tuzumanane kubikka ziyandika zya Bwami mubusena oomo mozyeelede—busena bwakusaanguna mubuumi bwesu.d
-
-
Bantu Ibakambauka—Babelesi Balyaaba Amoyo WoonseBwami bwa Leza Bulalela!
-
-
d Jesu wakaamba kaambo kakozyenye akaaka mucikozyanyo cakwe camusambazi weendeenda kuyabulangaula ngale zibotu kapati. Ciindi musambazi naaijana, ulazisambala zintu zyoonse nzyajisi akuyuula. (Mt. 13:45, 46) Zikozyanyo zyobilo eezyi alimwi zituyiisya kuti tulakonzya kwiiya kasimpe kajatikizya Bwami munzila ziindene-indene. Bamwi tabakayandi pe kasimpe, bamwi bakayandaula buya. Pele tacikwe makani ambotwakakajana kasimpe, toonse tuliyandide kulyaaba kutegwa tubikke Bwami mubusena bwakusaanguna mubuumi bwesu.
-