Ikwiiya Broshuwa ya Amulangile Lyoonse!
Mbungano nyika yoonse mboizulwa zinooyiya broshuwa ya Amulangile Lyoonse! kutalikila mumvwiki ya May 23 kusikila mu June 20, 2005 a Ciiyo Cabbuku Cambungano. Amubelesye mibuzyo iitobela eeyi nomulibambila alimwi anomweendelezya muswaangano ooyu. Aciiyo, amubale zibalo zilembedwe alimwi akubala magwalo aabikkidwe kweelana aciindi ncomujisi.
Mvwiki ya May 23
◼ Peeji 3-4: Mbukkale ibuli akati kaboobu bundandamikidwe aawa ibwakamujatikizya kapati? Ncinzi cimupa kuzumina kuti bukkale oobu tabuli bukkale bucitika buyo nkomukkala alimwi bucitika muziindi?
◼ Peeji 5: Ncinzi cimupa kusinizya kuti Leza masimpe ulalanganya? Ncinzi cikonzya kutondezya mbotumubikkila maano Leza alimwi anzyali mukucita?
◼ Peeji 6-8: Ncinzi Matayo 24:1-8, 14 ncoyaamba kujatikizya bukkale buliko mazubaano? Kweelana ambolutondezya lugwalo lwa 2 Timoteo 3:1-5, nkuumazuba aali buti nkotupona lino? Ino mmazuba aakumamanino aanzi aano? Ncinzi cimupa kusinizya kuti Bbaibbele ncobeni ndi Jwi lya Leza? Ino Mbwami nzi oobo mbotukambauka?
◼ Peeji 9-10: Nkaambo nzi ncotweelede kuzilanga-langa kabotu nzyotusala alimwi anzyotubikkila maano mubuumi? (Rom. 2:6; Gal. 6:7) Nomulanga-langa mibuzyo iili apeeji 10, mmagwalo nzi aaboola mumizeezo yanu aayo aayelede kumusololela muzintu nzyomucita?
Mvwiki ya May 30
◼ Peeji 11: Nkaambo nzi umwi aumwi wesu ncayelede kulanga-langa mibuzyo iibuzigwa apeeji eeli? (1 Kor. 10:12; Ef. 6:10-18) Ino bwiinguzi bwesu kumibuzyo eeyi butondezya nzi kujatikizya mbotulubikkila maano lulayo lwa Jesu luli ku Matayo 24:44?
◼ Peeji 12-14: Ino “ciindi calubeteko” caambwa ku Ciyubunuzyo 14:6, 7 caamba nzi? Ino ncinzi icaambwa amajwi aakuti ‘kuyoowa Leza akumupa bulemu’? Ino Babuloni Mupati ninzi alimwi ncinzi ciyoomucitikila? Nintaamu nzi kujatikizya Babuloni Mupati njotweelede kubweza lino? Ncinzi cimbi cibikkilizidwe muciindi calubeteko cakasinsimwa? Ino kutaziba “buzuba niciba ciindi” calubeta lwa Leza kutujatikizya buti? (Mt. 25:13)
◼ Peeji 15: Ino makani aakuti nguni uujisi nguzu zyakweendelezya aamba nzi alimwi ino amujatikizya buti umwi aumwi wesu?
◼ Peeji 16-19: Ino “ijulu ipya” alimwi “anyika impya” nzinzi? (2 Pet. 3:13) Nguni uusyomezya zintu eezyi? Nkucinca kuli buti ijulu mpya alimwi anyika impya nkoziyoocita? Sena umwi aumwi wesu uyoogwasyigwa anzizyo?
Mvwiki ya June 6
◼ Peeji 20-21: Nincenjezyo nzi iijatikizya kutija, Jesu njaakapa basikumutobela bamumwaanda wamyaka wakusaanguna? (Lk. 21:20, 21) Ndilili kutija ooku nokwakali kukonzyeka? Nkaambo nzi ncokwakali kuyandika kutija cakufwambaana kakunyina kuccelwa? (Mt. 24:16-18, 21) Nkaambo nzi bantu banji ncobatabikkili maano kuncenjezyo? Ino mbuti zyuulu-zyuulu zyabantu ku China alimwi aku Philippines mbobakagwasyigwa kwiinda mukutobela ncenjezyo yamasimpe? Nkaambo nzi ncociyandika kapati ikutobela ncenjezyo zyamu Bbaibbele kujatikizya mamanino aabukkale oobu buliko lino? Mbwaanga cilayandika kapati ikubindaana, mmukuli nzi ngotujisi? (Tus. 24:11, 12)
◼ Peeji 22-23: Ku Australia mu 1974 alimwi aku Colombia mu 1985, nkaambo nzi ibanji ncobakaunduluzya ncenjezyo yantenda yakali kulangilwa kucitika alimwi ncinzi cakacitika? Ino muyeeya kuti nomwakacita buti kujatikizya ncenjezyo eezyi alimwi nkaambo nzi? Ncinzi cikonzya kutondezya naa twakali kunootobela ncenjezyo kumazuba aa Nowa naa pe? Nkaambo nzi bantu ncobakali kuyanda kukkala munsi-munsi a Sodoma wansiku? Mbuti mbotukonzya kugwasyigwa kwiinda mukuyeeya kujatikizya cakacitika mu Sodoma?
Mvwiki ya June 13
◼ Peeji 24-27: Amubelesye “Mibuzyo ya Ciiyo” iili apeeji 27.
Mvwiki ya June 20
◼ Peeji 28-31: Amubelesye “Mibuzyo ya Ciiyo” iili apeeji 31.
Ikulanga-langa broshuwa eeyi kuyootugwasya “kulangila lyoonse” alimwi akuba bantu balibambilide. Atubone kuti mulimo wesu ngotucita kubuleya lyoonse ulatondezya mbouyandika kwaambilizigwa cakubindaana mulumbe wamungelo wakuti: “Amuyoowe Leza akumupa bulemu, nkaambo casika ciindi calubeteko lwakwe.”—Mt. 24:42, 44; Ciy. 14:7.