Kkalenda ya 2011 Ikulwaizya Kukomba kwa Mumukwasyi

Mutwe wa Kkalenda ya Bakamboni ba Jehova ya 2011 waamba kuti Kukomba kwa Mumukwasyi. Kkalenda eeyi itondezya mikwasyi yamazuba aano amikwasyi yakaindi. Alimwi ilatondezya babelesi ba Jehova banabukwetene abaabo batanakwata naa kukwatwa kabaiya Jwi lyakwe.

Bantu baambwa mu Bbaibbele batondezyedwe mukkalenda bakaukkomanina mulawo wa Jehova, eeci cakali kubagwasyilizya kapati kuzunda buyumu-yumu bulibedelede mbobakali kujana. (Int. 1:2, 3) Notulanga-langa zifwanikiso tuyooibalusyigwa mbokuyandika Kukomba kwa Mumukwasyi, nokuba kuti tuzwa mumikwasyi mipati naa misyoonto, muli baabo mbotukomba limwi naa pe. Kwabikkwa busena akkalenda kutegwa mulembe buzuba bwa Kukomba kwa Mumukwasyi bwakasalwa amukwasyi wanu. Sena mwakalemba kale?