Citupa Kukkomana

1. Twaambo tutupa kutangala,

Twavwula mbuli lubono.

Bantu bamasi bayandika

Baboola kutusangana.

Lukkomano luli mumoyo,

Luzwa mu Jwi lyokwa Leza.

Jwi eli lyoonse tulaliiya

Kuti tube alusyomo.

Twaambo tutupa kukkomana

Masimpe tulalibonya.

Kuti twasikilwa mapenzi

Jehova ulatuyumya.

2. Zilakkomanisya zilenge

Ijulu, lwizi anyika.

Notubona zilenge zyakwe

Citupa kumulemeka.

Lino tulapa bukamboni,

Kwaambilizya Bwami Bwakwe.

Mulumbe mubotu wa Bwami,

Tulamwaya nyika yoonse.

Casika ciindi cakukondwa,

Mbuli zuba mbolipola.

Munyika mpya njotulangila,

Tuya kukkomana lyoonse.