MUBUZYO 1
Ino Leza nguni?
“Bantu abazyibe kuti yebo, oojisi zina lyakuti Jehova, yebo olikke ndonduwe Mupatikampatila atala aanyika yoonse.”
“Amuzyibe kuti Jehova ngo Leza. Ngonguwe wakatulenga, alimwi tuli bakwe.”
“Ndime Jehova. Eeli ndezina lyangu; bulemu bwangu tandibupi umbi pe, akwalo kutembaulwa kwangu tandikupi zikozyanyo zibezedwe.”
“Muntu woonse wiita zina lya Jehova uyoofwutulwa.”
“Ncobeni, iŋanda iili yoonse kuli wakaiyaka, pele ooyo wakapanga zintu zyoonse ngu Leza.”
“Amulungumane kujulu mubone. Ino nguni wakalenga zintu eezyi? Ngooyo uugwisya akusololela nkamu yanzizyo kweelana amweelwe wanzizyo; zyoonse ulaziita mazina aanzizyo aazigeme. Akaambo kanguzu zyakwe zinji kapati alimwi zigambya, kunyina noiba yomwe akati kanzizyo iisweeka.”