Mwaalumi Uusyomeka Jobu Waamba Mbwaakalimvwide

Nokuba kuti lubono lwa Jobu lwakamana, wakafwidwa, alimwi wakaciswa kapati, wakazumanana kusyomeka. Aboobo Saatani wakasola kumutyompya kutegwa acileke kusyomeka. “Beenzinyina” botatwe bakaboola. Kusaanguna, bakalitondezya kuti bakaluuside. Mpoonya bakakkala a Jobu mazuba aali ciloba kabaumwine buyo kakunyina kumuumbulizya. Majwi ngobakaamba akali buyo aakupa mulandu alimwi aalunya.

Jobu wakazumanana kusyomeka kuli Jehova nokuba kuti wakayungwa citaambiki

6:3; 7:16; 9:20-22; 10:1, 12

• Akaambo kakuusa kapati, Jobu wakatalika kuba amizeezo iitaluzi. Wakaamba kuti Leza tanaakali kubikkila maano kufwumbwa naa Jobu wakazumanana kusyomeka naa pe

• Akaambo kakutyompwa, Jobu tanaakalanga-langa twaambo atumbi itwakajatikizyidwe mukupenga kwakwe

• Nokuba kuti wakali mubuumba, Jobu wakaamba zintu zibotu kujatikizya Jehova kuli basikumutamikizya