Sena Inga Mwabapandulwida Bamwi Nzyomusyoma?

Ikuti muntu uumwi wamubuzya ikaambo ncomusyoma kuti Leza nguwakalenga zintu zyoonse, ino inga mwamwaambila kuti nzi? Ikutegwa mwiingule cakusinizya, kuli zintu zyobilo nzyomweelede kucita: Cakusaanguna, mweelede kuba masimpe nywebo kumugama kuti zintu zyakalengwa buya. (Rom. 12:1, 2) Mwamana, mweelede kuyeeya mbomukonzya kumupandulwida muntu uumbi nzyomusyoma.—Tus. 15:28.

AMWEEBELELE KAVIDIYO KAKUTI SYAAZIBWENE MUKUSILIKA MALWAZI AAMAFWUWA ULAPANDULULA MBWAAKATALIKA KUSYOMA MULI LEZA ALIMWI AKAKUTI SYAAZIBWENE MULWIIYO LWABANYAMA ULAPANDULULA MBWAAKATALIKA KUSYOMA MULI LEZA, KUTEGWA MUBONE TWAAMBO TUPA BAMWI KUSYOMA KUTI ZINTU ZYAKALENGWA BUYA, MPOONYA MWIINGULE MIBUZYO IITOBELA:

• 

  Nkaambo nzi ba Irène Hof Laurenceau ncobasyoma kuti zintu zyakalengwa buya ikutali kuti zyakasanduka buya?

• 

  Nkaambo nzi ba Yaroslav Dovhanych ncobasyoma kuti zintu zyakalengwa buya ikutali kuti zyakasanduka buya?

• Ino inga mwamupandulwida buti muntu ikaambo ncomusyoma kuti zintu zyakalengwa buya?

• Ino nzibelesyo nzi ziliko kuzwa kumbunga ya Jehova izikonzya kumugwasya nywebo alimwi abamwi kusyoma kuti Leza nguwakalenga zintu zyoonse?