Kwaamba Twaambo Tuluzi Alimwi Tutakonzyi Kuzumbauzyigwa

Luka 1:3

NCOMWEELEDE KUCITA: Amubelesye bumboni busyomeka kutegwa mubagwasye baswiilizi banu kukabona kaambo.

MBOMUKONZYA KUCITA OOBO:

• Amubelesye mabbuku aakalembwa abantu basyomeka. Nzyomwaamba azibe zeezyo izizwa mu Jwi lya Leza, amubale kuzwa mulindilyo ikuti kacikonzyeka. Ikuti naa muyanda kwaamba twaambo tumwi twasayaansi, twaambo tumwi itwakaambwa munyuuzi naa twaambo tumbi itupa bumboni, amube masimpe kuti mabbuku ngomwabelesya kujana twaambo ootu alasyomeka alimwi acibeleka asunu.

• Amwaabelesye kabotu mabbuku aakunyika. Amwaapandulule kabotu magwalo kweelana atupango tweengelede, mulumbe uuli mu Bbaibbele alimwi amabbuku ‘aamuzike uusyomeka alimwi uucenjede.’ (Mt. 24:45) Mabbuku aakunyika amwaabelesye munzila iiluzi kakunyina kucinca mulumbe uuli mumo naa kwaamba cintu ciimpene ancaakali kupandulula sikulemba.

• Amubagwasye baswiilizi banu kukabona kaambo. Mwamana kubala lugwalo naa kuzubulula bbuku limwi, cabupampu amubuzye mibuzyo naa kwaamba cikozyanyo ceendelana akaambo aako kutegwa mubagwasye baswiilizi banu kukamvwisya kaambo.