MBONO IZILI MU JWI LYA LEZA | LEVITIKO 4-5
Amupe Jehova Zintu Ziinda Kubota
Mu Israyeli, ikuba mucete tiicakali cintu icakali kukonzya kupa muntu kwaalilwa kuba muluumuno a Jehova. Nobaba bana Israyeli ibakali bacete kapati bakali kukonzya kupa cituuzyo icimukkomanisya Jehova, kufwumbwa buyo kuti ncecintu ncobakajisi ciinda kubota. Bakali kukonzya kutuula fulaulu, pele Jehova wakali kuyanda kuti kauli “mubotu,” ooyo iwakali kubelesyegwa kubeenzu balemekwa. (Matl. 18:6) Mazuba aano, Jehova ulacitambula ‘cipaizyo cesu cantembauzyo,’ tacikwe makani abukkale bwesu kufwumbwa kuti twamupa nzyotujisi.—Heb. 13:15.
Ino eeci inga camukulwaizya buti ikuti kamutacikonzyi kucita zintu mbuli mbomwakali kucita kaindi, ambweni akaambo kakuciswa naa kubula nguzu