Sena cilakonzyeka kupona kukabe kutamani?

NCOLYAAMBA BBAIBBELE

“Balulami bayookona nyika, alimwi bayookkala alinjiyo lyoonse mane kukabe kutamani.”​—INTEMBAUZYO 37:29.

MBOMUKONZYA KUGWASYIGWA

Mulakonzya kupona buumi bwalukkomano, luumuno, nywebo, banamukwasyi alimwi abalongwe kumbele.​—JEREMIYA 29:11.

Mulakonzya kukkomana mubuumi, kutali buyo kwakaindi kasyoonto, pele kukabe kutamani.​—INTEMBAUZYO 22:26.

SENA NCOBENI TULAKONZYA KUSYOMA NCOLYAAMBA BBAIBBELE?

Inzya! Kutegwa musinizye, amubone bumboni bupedwe muziiyo zyotatwe izili mubroshuwa eeyi. Zijisi mitwe yakuti:

• Mbuti Bbaibbele Mbolikonzya Kumugwasya?

• Bbaibbele Lilapa Bulangizi

• Sena Mulakonzya Kulisyoma Bbaibbele?