Mulongo Wamunsondo Iitalika mu May 17

NSONDO IITALIKA MU MAY 17

Lwiimbo 49 (85)

□ Ciiyo ca Bbaibbele Cambungano:

lv cibalo 5 ¶7-15

□ Cikolo Camulimo Weendelezyegwa a Leza:

Kubala Bbaibbele: 2 Samuele 9-12

Na. 1: 2 Samuele 10:1-12

Na. 2: Nkaambo nzi Jesu Ncaakali Kubelesya Magwalo Naakali kuyiisya? (Joh. 7:16-18)

Na. 3: Mbotukonzya Kutondezya Bulemu Kubeendelezi Banyika (lv cibalo 4 ¶18-21)

□ Muswaangano wa Mulimo:

Lwiimbo 12 (4)

5 min: Zyakwaambilizya.

10 min: Sena Inga Mwacita Bupainiya Bwakugwasyilizya? Mubandi abaswiilizi. Mubufwaafwi amulange-lange twaambo tuli amapeeji 112-113 mubbuku lya Bakamantene tujatikizya ziyandika mumulimo wabupainiya bwakugwasyilizya. Amubalombe aabo bakabelesya ciindi cakulyookezya kumulimo naa kucikolo kutegwa bacite bupainiya bwakugwasyilizya kuti baambe zilongezyo nzyobakajana.

10 min: Nzila Zyakukambauka Makani Mabotu—Bukambausi Bwamukwiizya. Mubandi abaswiilizi kuzwa mubbuku lya Bakamantene apeeji 101 muncali 2 kusikila kupeeji 102 muncali 2. Amulombe sikumwaya omwe kwaamba naa kucita citondezyo comwe naa zyobilo zijatikizya zyakuluula zikkomanisya zyakacitika naakali kucita bukambausi bwamukwiizya.

10 min: “Banakristo Beelede Kupaila.” Mubandi wakubuzya akwiingula.

Lwiimbo 67 (161)

Banakristo Beelede Kupaila

1. Ino ncinzi ciyandika kutegwa tucikonzye kubeleka mulimo wakukambauka?

¹ Tatukonzyi kuubeleka mulimo wakukambauka munguzu zyesu tobeni. Jehova ulatupa nguzu kutegwa tucikonzye kuubeleka mulimo ooyu. (Flp. 4:13) Ubelesya bangelo bakwe kutegwa batugwasye kujana bantu bali mbuli mbelele. (Ciy. 14:6, 7) Jehova nguupa kuti mbuto zyakasimpe nzyotusyanga akwiida zikomene. (1 Kor. 3:6, 9) Elo kaka cilayandika kuti Banakristo kabamusyoma Taateesu wakujulu kwiinda mumupailo!

2. Ino nzyintu nzi zimwi nzyotukonzya kupailila?

² Tweelede Kulipailila: Tweelede kupaila lyoonse kutegwa tucikonzye kukambauka. (Ef. 6:18) Ino nzyintu nzi zimwi nzyotukonzya kupailila? Tulakonzya kupailila kuti katuzilanga kabotu zyintu mucilawo motukambaukila akuti katukambauka cabusicamba. (Inc. 4:29) Tulakonzya kumulomba Jehova kuti atusololele kubantu babombe myoyo kutegwa tutalike kwiiya Bbaibbele ambabo. Ikuti mukamwini ŋanda watubuzya mubuzyo, tulakonzya kupaila mupailo mufwaafwi cakaumuumu ikulomba Jehova kuti atugwasye kupa bwiinguzi buluzi. (Neh. 2:4) Tulakonzya kulomba busongo kutegwa katubikka mulimo wakukambauka mubusena bwakusaanguna. (Jak. 1:5) Kuyungizya waawo, Jehova ulakkomana notumulumba akaambo kacoolwe cilibedelede ncatupede cakuba babelesi bakwe.—Kol. 3:15.

3. Ino mbuti kupailila bamwi mbokupa kuti mulimo wakukambauka uyaambele?

³ Tweelede Kubapailila Bamwi: Tweelede ‘kukombelana,’ mane buya akubaamba mazyina babelesima ikuti kwayandika. (Jak. 5:16; Inc. 12:5) Sena kuciswa-ciswa kupa kuti mutacikonzyi kukambauka kapati? Ikuti naa mboobo amubapailile babelesinyoko bataciswi-ciswi. Mutalubi kuti mipailo njomupailila bamwi ilabeleka kapati. Alimwi cileelela kupailila beendelezi bamfwulumende kuti babe amyoyo iibombede kujatikizya mulimo wakukambauka kutegwa bakwesu ‘babe muluumuno akukkala kabotu akulemeka Leza.’—1 Tim. 2:1, 2.

4. Ino nkaambo nzi ncotweelede kuzumanana kupaila?

⁴ Kukambauka makani mabotu munyika yoonse, mulimo mupati ngotutakonzyi kucita munguzu zyesu tobeni. Pele ikuti naa “twajatisya kukomba,” tuya kucikonzya kuubeleka mulimo wakukambauka kwiinda mukugwasyigwa a Jehova.—Rom. 12:12.