SENA CAKALENGWA BUYA?

Muyuni Uutegwa Bar-Tailed Godwit Mbwayenda

MUYUNI ooyu ulauluka misinzo iigambya kapati. Ulauluka musinzo uulampa makkilomita aali 11,000 uukonzya kutola mazuba aali lusele.

Amubone kaambo aaka: Basikuvwuntauzya bayeeyela kuti bayuni bamwi balauluka kwiinda mukutobelezya bweende bwanyika, mbuli kuti babelesya kkampasi iili muboongo bwabo. Kulibonya kuti muyuni ooyu ulauluka kwiinda mukubelesya zuba masyikati alimwi masiku ubelesya nyenyezi. Alimwi kulibonya kuti muyuni ooyu ulakonzya kuzyiba guwo linga lyamugwasilizya kutegwa auluke kabotu. Abalo basikuvwuntauzya, cilabagambya kubona misinzo milamfwu bayuni aaba njobakonzya kuuluka. Syaazibwene mumakani azyintu zipona wazyina lya Bob Gill wakaamba kuti: “Ndali kwiiya kujatikizya bayuni aaba kwamyaka iili 20, pele kusikila sunu ndicigambidwe.”

Ino Muyeeya Buti? Sena mbwayenda muyuni ooyu kwakaba buyo akaambo kakusanduka kwazyintu? Naa wakalengwa buya?

[Cifwanikiso icili apeeji 16]

[Kulumba]

Photo: Courtesy Grandpa@50