Ino Ncinzi Ncolyaamba Bbaibbele?

Sena Leza ulijisi zina?

BANTU BAMWI BAAMBA KUTI tajisi zina, bamwi baamba kuti ngu Leza naa Mwami, kumane bambi baamba kuti ujisi mazina manji. Ino nywebo muyeeya buti?

BBAIBBELE NCOLYAAMBA

“Yebo, oojisi zina lyakuti Jehova, yebo olikke ndonduwe Mupatikampatila atala aanyika yoonse.”—Intembauzyo 83:18.

NCINZI CIMBI NCOTUKONZYA KWIIYA KUZWA MU BBAIBBELE?

• Nokuba kuti Leza ujisi mazina aabulemu manji, wakalyuulika zina lyomwe buyo.—Kulonga 3:15.

• Leza tali yooyo uutakonzyi kuzyibwa; uyanda kuti swebo tumuzyibe.—Milimo 17:27.

• Kuzyiba zina lya Leza ilakonzya kuba ntaamu yakusaanguna yakuba acilongwe anguwe.—Jakobo 4:8.

Sena cililubide kwaamba zina lya Leza?

INO INGA MWAINGULA BUTI?

• Inzya

• Peepe

• Ciya buyo ambwacibona muntu

BBAIBBELE NCOLYAAMBA

“Utabelesyi zina lya Jehova Leza wako munzila iiteelede.” (Kulonga 20:7) Lilikke nocilubide kubelesya zina lya Leza ndileelyo nolibelesyegwa cakusampaula.—Jeremiya 29:9.

NCINZI CIMBI NCOTUKONZYA KWIIYA KUZWA MU BBAIBBELE?

• Jesu wakalilizyi zina lya Leza akulibelesya. —Johane 17:25, 26.

• Leza utwaambila kuti katumwiita kwiinda mukubelesya zina lyakwe.—Intembauzyo 105:1.

• Basinkondonyina Leza basola kupa bantu kuti balube zina lyakwe.—Jeremiya 23:27.