Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu December 27, 2010. Mulangizi wacikolo uyooyendelezya mubandi wakwiinduluka wamaminiti aali 20 kujatikizya makani aakabandikwa kuzwa munsondo iitalika mu November 1 kusikila mu December 27, 2010.
1. Ino ncinzi ncotukonzya kwiiya kulwiimbo ndobakaimba bana Levi luli kulugwalo lwa 1 Makani 16:34? [w02 2/1 pp. 9-10 minc. 6-7]
2. Sena lugwalo lwa 1 Makani 22:8 lutondezya kuti Jehova wakakasya Davida kumuyakila ŋanda akaambo kakuti wakali kulwana munkondo? Amupandulule. [it-2 p. 987 munc. 1, w05 11/1 p.10]. Ino mbuti Mwami Davida mbwaakali kuyanda kuti mwanaakwe Solomoni alimvwe kujatikizya Leza? (1 Mak. 28:9) [w08 10/15 pp. 6-7 munc. 18]
4. Ino nkaambo nzi ncocakali kweelela kubelesya zikozyanyo zyaŋombe nokwakali kupangwa ziba lyamaanzi nkolili kunsi? (2 Mak. 4:2-4) [w06 1/1 p. 15, w98 6/15 p.16 munc.17]
5. Sena bbokesi lyacizuminano lyakajisi buyo mabwe obile, naa lyakalijisi azimwi zyintu? (2 Mak. 5:10) [w06 2/1 p. 27]
6. Ino Solomoni wakali kupandulula nzi naakalomba Jehova kuti amvwe mipailo yabantu boonse ‘bakomba kuŋanda yakwe’? (2 Mak. 6:21, 32, 33) [it-1 p. 137 munc. 1, w06 1/1 p. 15 munc. 9]
7. Sena Mwami Asa wakazigusya “zipaililo zyakuzilundu” zyoonse? (2 Mak. 14:2-5) [w06 1/1 p. 16 it-2 p. 842 munc. 7]
8. Ino mbuti mbotukonzya kwaabelesya majwi aali kulugwalo lwa 2 Makani 17:9, 10 mumulimo wesu wakukambauka? [w09 6/15 p. 12 munc. 7]
9. Ino mbuti bantu ba Leza sunu mbobacita kweelana ancolwaamba lugwalo lwa 2 Makani 20:17? [w03 6/1 pp. 31-32 minc. 14-17]
10. Ino ncinzi ncotukonzya kwiiya kukulisumpula nkwaakacita Mwami Uziya? (2 Mak. 26:15-21) [w05 11/1 p. 12 minc. 2, 19]