Sena Maali Alazumizyigwa?

Bwiinguzi bwamu Bbaibbele

Kwaciindi cili mbocibede, Leza wakali kuzumizya mwaalumi kukwata maali. (Matalikilo 4:19; 16:1-4; 29:18-29) Pele Leza talinguwe wakaatalisya maali. Wakamupa buyo mukaintu omwe Adamu.

Leza wakapa Jesu nguzu zyakuti ainduluke kwaamba makanze aakwe aakusaanguna aakuti nkukwata buyo mukaintu omwe. (Johane 8:28) Naakabuzyigwa kujatikizya cikwati, Jesu wakaamba kuti: “Ooyo wakabalenga kuzwa matalikilo, wakalenga mwaalumi amukaintu alimwi wakati: ‘Akaambo kaceeci mwaalumi uyoosiya bausyi abanyina akukakatila kumukaintu wakwe, eelyo aaba bobilo bayooba mubili omwe.’”​—Matayo 19:4, 5.

Mukuyakwaciindi, umwi sikwiiya wa Jesu wakasololelwa a Leza kulemba kuti: “Mwaalumi aumwi abe amukaintu wakwe uumugeme alimwi mukaintu aumwi abe amulumaakwe uumugeme.” (1 Bakolinto 7:2) Ibbaibbele alimwi lyaamba kuti kufwumbwa musankwa mumbungano ya Bunakristo uukwete alimwi uupedwe mikuli iilibedelede weelede kuti kali “mulumi uukwete mukaintu omwe.”​—1 Timoteyo 3:2, 12.