Xapulana mapakgsina xalak Israel asta akxni kachilinka kBabilonia

Xtukuwani Saúl tiku chalh xapulana mapakgsina xalak Israel. Pero Jehová lakgmakgalh chu David laksakli xlakgxokgo. Lhuwa tuku nakatsiyaw xlakata David. Akxni kgawasaku xwanit, talachipalh lanka chixku wanikan Goliat. Alistalh tsalanilh xalakgkatsana mapakgsina Saúl. Chu Abigail lu xastlan puskat, makgtayalh xlakata ni natlaway tuku nitlan.

Alistalh lhuwa tuku nakatsiyaw xlakata Salomón xkgawasa David wantiku tawilalh xlakgxokgo xlimapakgsina xalak Israel. Xapulana kgalhtutu mapakgsinanin xalak Israel tipuxum kata mapakgsinankgolh chatunu chatunu. Akxni xninitta Salomón, kachikin xalak Israel pulaktiy tapitsilh, akgtum tamapakgsin pakxtu tawilalh chu akgtum tamapakgsin xapakgalhu tawilalh.

Xtamapakgsin xaʼakgkaw laklanka familia nema xwilakgolh pakxtu makgapalalh 257 kata akxni nina xmalakgsputukgoy li Asiria. Chu alistalh akxni xtitaxtunit 133 kata xtamapakgsin xaʼakgtiy laklanka familia nema xwilakgolh pakgalhu na malakgsputuka. Chu akxni tama kilhtamaku li Israel kachilinka kBabilonia. Chu uma PULAKTATI lichuwinan putum tuku lalh tama 510 kata, putum tama kilhtamaku katuwa tuku lanit lu nakatsiputunaw.