¡Wix tlan nikxni naniya chu xalipaxaw nalatapaya kKatiyatni!

Uma tatsokgni tamalakgatumima xlakata namasiyaniyan chu nakatsiya tiku tlawanit Katiyatni chu wantuku anan anta. Wix na nakatsiniya pi Dios, wantiku tlawalh Katiyatni, kgalhiy xtukuwani. Unu nachuna nakmasiyayaw tuku xlakata Dios tlawalh chixku, chu la tlan wix xatapaxawan tlan nalatapaya kKatiyatni chu nikxni naniya.

Klakpuwanaw pi uma lhuwa dibujos namakgtayayan xlakata nalikatsiniya uma. Xlakata tlakg liwana nakatsiniya kalikgalhtawakga akatsunin xalak Biblia nema wilakgolh kxpaxtunin dibujos. Chuna wix tlan miʼakstu nalikgalhtawakgaya wantuku kinkamalaknuniyan Dios nema wilakgolh kBiblia, chu tuku wan pi militlawat xlakata namakglhtinana akxni Dios namakgantaxtiy.

Max nalimakgtayaputunkgoya amakgapitsin uma likgalhtawakga. Komo wix kgalhiya minkaman, tlan nakalimakgtayaya xlakata nalakgapaskgoy Dios. Komo lapat niku lanka kachikin niku anankgoy lhuwa tiku laklankata chu nila kgalhtawakgakgoy, tlan nakalimasiniya xadibujos xlakata nalimakgalhtawakgakgoya umakgolh kristianos nalikatsikgoy xtalakaskin Dios chu xlakan, na tlan namakgtayakgoy xtalakatsukan.

Xlikana klakaskinaw pi akxni nalikgalhtawakgaya uma likgalhtawakga namakilhanuyan xlakata namakglhtinana lhuwa tasikulunalin, na tlan nakalimasiyaniya amakgapitsin la tlan nalatamakgoy kKatiyatni chu nikxni katinikgolh.